გთხოვთ შეავსოთ ყველა ველი

არასწორი იმეილის ფორმატი

თქვენი შეტყობინება გაგზავნილია

საკონტაქტო ფორმა

მეტრო დიდუბე 5 წუთი

გამოფენა Expo Georgia 2 წუთი

მეტრო წერეთელი 6 წუთი

სადგურის მოედანი 10 წუთი

თავისუფლების მოედანი 13 წუთი

+995 598 937979

+995 032 2 937979

marketing@mira.ge

წყალტუბოს ქ. 8-10 , თბილისი

ნაჭრის ხე დარიჩინის სურნელოვანი ჯოხებით

ნაჭრის ხე დარიჩინის სურნელოვანი ჯოხებით

ყველა სეზონი, როგორც წესი დაკავშირებულია გარკვეულ სუნთან: გაზაფხული ახლად აყვავებულ მცენარეებთან, ზაფხული ოკეანესთან, შემოდგომა გოგრასთან, ზამთარი კი დარიჩინის და ნაძვის სურნელთან. ამ სურნელმა შესაძლოა გააღვიძოს მოგონებები და გავლენაც მოახდინოს თქვენს განწყობაზე. ეს არომატული ორნამენტები არა მხოლოდ გაალამაზებს თქვენს ნაძვის ხეს, არამედ ნაცნობი სურნელი განტვისრთვისა და დასვენების განწყობას შექმნის ოთახში. 

საჭირო ნივთები: 

  • სქელი მუყაო
  • მაკრატელი & ფანქარი

  • გამძლე ქსოვილი (მაგალითად როგორიცაა ტილო)

  • ჯუთის ან ბამდის წვრილი თოკი

  • საკერავი მანქანა (შესაძლებელია ხელით გაკერვაც)

  • პოლიესტერი ან ბამბა (შიგთავსისთვის) 

  • მთლიანი დარიჩინის ჩხირები

  • წებოს თოფი

 

ნაბიჯი 1 

გამოჭერით სამკუთხედის ფორმის მუყაო (დაახლოებით 12 სმ სიმაღლის). მოათავსეთ ქსოვილის არასწორ მხარეს და ფანქრით დატოვეთ სამკუთხედის ფორმის კვალი. 

ნაბიჯი 2

გამოჭერით ქსოვილზე ორი იდენტური სამკუთხედის ფორმა მაკრატლით.

ნაბიჯი 3

დააწყეთ ერთმანეთზე სამკუთხედები და მათ შორის მოათავსეთ თოკი, რომლითაც უნდა დაიკიდოს ნაჭრის ხე. დაამაგრეთ თოკის ბოლოები შიგნიდან, სამკუთხედის წვერთან. სამკუთხედები გადაკერეთ ერთმანეთზე გვერდებიდან, წვერი და ბოლო დატოვეთ ღია.

ნაბიჯი 4

ამოაბრუნეთ სამკუთხედი.

ნაბიჯი 5

შეავსეთ სამკუთხედი პოლიესტერით ან ბამბით. მოათავსეთ დარიჩინის ჯოხი შუაგულში ისე რომ სიმყარე შეინარჩუნოს.

ნაბიჯი 6

სამკუთხედის ბოლო გაკერეთ ან გამოიყენეთ წებოს თოფი. 

ეს არომატული ორნამენტები  შესაძლოა მორგებული იყოს თქვენს დეკორზე, ასევე შეგიძლიათ აჩუქოთ თქვენს საყვარელ ადამიანებს. რაც მთავარია მათ გამოყენებას მომდევნო წლებშიც შეძლებთ. 

 

წყარო: www.ehow.com

როგორ გავაკეთოთ ორიგინალური თარო მარტივად

როგორ გავაკეთოთ ორიგინალური თარო მარტივად

გსურთ შეავსოთ ცარიელი კუთხე ან კედელი რაიმე მარტივი და ახალი დეკორაციით? თოკზე ჩამოკიდებული თარო იდეალურია მისთვის ვისაც უყვარს ინტერიერის ხშირი ცვლილება და არ უყვარს კედლის დაზიანება ნახვრეტებით.

 

საჭირო ინვენტარი:

  • ბურღი
  • 5/8 ინჩიანი ბითსები
  • თოკი
  • მაღალი სიმძლავრის მაკრატელი
  • სამაგრები
  • საღებავი
  • საღებავის ჩოთქი
  • 2 მართკუთხრა სასურველი ზომის ხის ფანერი

ინსტრუქცია:

  1. თავდაპირველად ვიწყებთ ხის ფანერის მომზადებას. ფანერი შეგიძლიათ თავად დაჭრათ სასურველ ზომებად ან შეიძინოთ მზა მდგომარეობაში.
  2. დააწყეთ ხის ნაჭრები ერთად და დაამაგრეთ სამაგრით.
  3. დამაგრებული ხის ნაჭრები გახვრიტეთ ისე, რომ სასურველი თოკის სისქე თავისუფლად მოთავსდეს ყოველ კუთხეში. ამ შემთხვევაში 3/8 ინჩიანი სისქის თოკისთვის ვიყენებთ 5/8 ინჩიან ბურღს.

თუ გაგიჭირდათ ორი ფანერის ერთად გახვრეტა შეგიძლიათ თითოეული კუთხე მონიშნოთ და ცალ–ცალკე გახვრიტოთ. გაითვალისწინეთ, რომ სიზუსტე აუცილებელია, რათა თარო დეფორმირებული არ იყოს.

  1. ნახვრეტების გაკეთების შემდეგ შეგიძლიათ შეღებოთ ხის ნაპირები მხიარული და ნათელი ფერის საღებავით. ეს ნაწილი ნებაყოფლობითია და თქვენი კრეატიულობის გამოყენებაც საჭიროა. შეგიძლიათ შეღებოთ მხოლოდ ნაპირები, მთლიანად თარო ან დატოვოთ ბუნებრივი ფერი თქვენი ინტერიერის შესაბამისად.
  2. შემდეგ, ოთხ თანაბარ ზომად ვჭრით თოკს. თოკის სიგრძეში უნდა გაითვალისწინოთ როგორც ნასკვის ზომა, ასევე ჭერიდან სასურველი დაშორება. ზომები დამოკიდებულია ჭერის სიმაღლეზე და რა სიმაღლეზე გსურთ, რომ დაიკიდოს თქვენი თარო. გაითვალისწინეთ ეს ზომები თოკის მოჭრამდე.

 

გახსოვდეთ, რომ თოკის დამოკლებას ყოველთვის შეძლებთ, მაგრამ სიგრძის დამატებას ვეღარ შეძლებთ. უკეთესია იყოს გრძელი და არა მოკლე.

 

  1. თაროს ასაწყობად განასკვეთ თოკი და გაატარეთ თაროს ძირი. გააკეთეთ მეორე კვანძი იმ დაშორებით, სადაც გსურთ რომ დამაგრდეს თაროს ზედა ნაწილი. გაზომეთ ეს დაშორებები და გაიმეორეთ იგივე დარჩენილ სამ თოკზე.
  2. საბოლოოდ შეკარით ერთად არსებული თოკები და განასკვეთ. თუ თარო საკმარისად გრძელია, შეგიძლიათ ჩამოკიდოთ პირდაპირ ჭერიდან.

 თაროს დასაკიდებლად დაგჭირდებათ კედელზე ან ჭერზე არსებულ კაუჭი. თარო დაკიდეთ კედელთან ახლოს რომ არ იტრიალოს.

და ბოლოს, შეარჩიეთ ნივთები რომელთა განთავსებაც გსურთ და თქვენი თარო მზად არის!

წყარო: www.homedit.com

როგორ შევარჩიოთ ფერები?

როგორ შევარჩიოთ ფერები?

იმის გამო, რომ ფერები გავლენას ახდენენ  ჩვენს ქვეცნობიერ გონებაზე და ხელს უწყობენ სხვადასხვა ქმედებებს, მნიშვნელოვანია სწორად შევარჩიოთ ისინი.

პირველ რიგში უნდა გვახსოვდეს, რომ ფერები იყოფა სამ კატეგორიად: თბილ, ცივ და ნეიტრალურ ფერებად.

თბილ ფერებს მიეკუთვნება წითელი, ნარინჯისფერი, ყვითელი და ყველა სხვა ფერი, რომელშიც ეს სამი ფერი დომინირებს.
თბილი, ინტენსიური ფერები ათბობენ გარემოს, კომპაქტურს და კეთილმოსურნეს ხდიან, მაგრამ ისინი ვიზუალურად ამცირებენ სივრცეს.

ცივი ფერებია  ცისფერი, ლურჯი და მთელი ჯგუფი მოლურჯო მწვანე და მოლურჯო იასამნისფერი ტონები. მწვანე, რომელშიც ჭარბობს ლურჯი არის ცივი ფერი, ხოლო იქ სადაც ჭარბობს ყვითელი არის თბილი.  ოთახები ცივი ფერებით კარგია ცხელ დღეებში, რადგან ასეთი ფერები გაშლილ სივრცეს ქმნიან და ვიზუალურად ზრდიან გარემოს.

 

 

თეთრ, ნაცრისფერ და შავ ფერებს რაც შეეხება, ისინი ნეიტრალური ფერებია და გამოიყენება თბილი ფერების გასაზავებლად.

ნათელ პასტელურ ფერებს აქვს აქტიური ბაზისური ფერის განეიტრალების და გაზავების ფუნქცია. თუმცა მათმა აქტიურმა გამოყენებამ შეიძლება უარყოფითად იმოქმედოს სუსტ ადამიანებზე.

მუქი ფერები საკმაოდ ამძიმებენ გარემოს, ეს ეხება ყველა ჩრდილს: მუქი წითელი, მუქი ლურჯი , მუქი მწვანე და მუქი იისფერი.

 

როგორ მოქმედებენ ფერები ჩვენზე

ფერები შეიძლება აისახოს თქვენს ემოციებზე და შეცვალოს ისინი. სათანადო ფერის გამოყენება დაგეხმარებათ შექმნათ ფერების  ჰარმონია, რაც გააუმჯობესებს და გააძლიერებს თქვენს ჯანმრთელობას.

წითელი - ყველაზე აქტიური ფერია,  ქმნის კარგ განწყობას, ამაღლებს სხეულის ტონუსს, მაგრამ ამასთან ერთად არის გამაღიზიანებელი და სწრაფად ღლის ნერვულ სისტემას. აქედან გამომდინარე, როდესაც წითელი ფერის გავლენის ქვეშ იმყოფებით სწრაფად მცირდება თქვენი ქმედითუნარიანობა და იფიტებით. თუმცა ის  სრულიად არ აზარალებს სამუშაო გარემოს, რადგან ზრდის ინიციატივას, იმუნიტეტს და  სიცოცხლისუნარიანობას. ცოტაოდენი წითელი ფერის გამოყენება ოფისში კარგია  ხალიჩებსა და ფარდებზე, სამზარეულოში კერამიკულ ფილებსა და სხვადასხვა აქსესუარებზე. ასევე მთავარ შემოსასვლელში სადაც ფერი ხაზს უსვამს საზეიმო და მნიშვნელოვანი  სივრცის შეგრძნებას. 

 

ნარინჯისფერი  ქმნის საზეიმო ატმოსფეროს, ხელს უწყობს კარგ ხასიათს.  ეს ფერი არის ხელსაყრელი, რადგან ის ეხმარება საჭმლის მონელებას და სწრაფ გადამუშავებას. ნარინჯისფერი მეტ სიხარულსა და სითბოს შემატებს თქვენს ოთახს. ეს ფერი სასასრგებლოა ადამიანებისთვის , რომლებსაც დეპრესიისკენ აქვთ მიდრეკილება. შეგიძლიათ ნარინჯისფერი გამოიყენოთ ტექსტილის და აქსესუარების სახით ბავშვის ოთახში. თუ ფორთოხლის ფერი თქვენთვის ძალიან მყვირალა და ნათელია, შეგიძლიათ გამოიყენოთ მასთან დაკავშირებული მონათესავე ფერები: გარგრის ფერი ან ნაზი ატმის ფერი. მისაღებ ოთახში თბილი ატმოსფეროს შესაქმნელად ნარინჯისფერის და ლურჯის შერწყმა დაგეხმარებათ. ასეთ ოთახში თქვენი სტუმარი სიმშვიდეს და თავისუფლებას იგრძნობს.

ყვითელი ფერი ასტიმულირებს მხედველობას, ნერვულ სისტემას და ტვინის აქტივობას. ყვითელი ფერი ასოცირდება მზესთან, ის საჭიროა ჩრდილოეთის მხარეს სადაც ნაკლებადაა მზის შუქი. ამ გამამხნევებელ ფერს მოაქვს სიხარული და გვეხმარება გაღვიძებაში. თუ  გიჭირთ დილით ადრე ადგომა, ყვითელი ფერის ფარდები იდეალურია თქვენთვის, რადგან გათენებისას დილის შუქი გაანათებს თქვენ ყვითელ ფარდებს და გაღვიძებაც გაგიადვილებთ. ყვითელი კერამიკული ფილების გამოყენებაც არ იქნება ურიგო თქვენს სააბაზანოში.

თუ ყვითელი ფერი ძალიან ინტენსიური და კაშკაშა მოგეჩვენებათ, სცადეთ თეთრ ფერთან გაზავებული პასტელური ყვითელი. მსგავსი ფერი შესაფერისია ბავშვის ოთახში და ოფისში. ის ასევე ხელს უწყობს აზროვნების პროცესს, ავითარებს შემეცნებით შესაძლებლობებს და აუცილებელია ინტელექტუალური მუშაობისას. ასევე კარგი არჩევანია ისეთი ოთახისთვის სადაც თქვენი ოჯახის წევრებთან ერთად ატარებთ დროს, რადგან ყვითელი ფერი ხელს უწყობს ურთიერთობებს და ჰარმონიულ გარემოს ქმნის.

მწვანე ფერი გავლენას ახდენს ადამიანის სიმშვიდეზე. ის კარგად მოქმედებს ნერვულ სისტემაზე, ზრდის მხედველობის სიმახვილეს, ხელს უწყობს კონცენტრაციას და მოდუნებას. სტუდენტების, საშუალო და უფროსი ასაკის ადამიანებისვის შესაფერისია რუხი მწვანე ტონი. ღია მწვანე კი იდეალურია აბაზანისთვის, ის კარგი ალტერნატივაა ტრადიციული ლურჯისთვის. 

 

 

ლურჯი - ფერი, რომელიც ასოცირდება უდარდელობასთან, სიმშვიდესთან, გულგრილობასთან, ამშვიდებს ნერვულ სისტემას. ლურჯი ფერი იდეალურია თინეიჯერების ოთახისთვის და საძინებლისთვის, რადგან ის ადუნებს და ხსნის სტრესს. თუმცა, თუ ოთახი ცივია და ფანჯრებიც ჩრდილოეთით აქვს ამ შემთხვევაში ლურჯად შეღებვა საჭირო არაა რადგან ეს გაზრდის სიცივეს. ლურჯი ფერი გამოხატავს უსაფრთხოების და მშვიდობის სურვილს. მთლიანი ოთახის ლურჯად შეღებვა მიზანშეწონილი არ არის, მაგრამ თუ ტონალობა დაბალანსებული იქნება ოთახი ელეგანტური გამოვა.


ლურჯი ფერი ამშვიდებს გულისცემას და არეგულირებს არტერიულ წნევას, ის ასევე ეხმარება ადამიანებს რომლებსაც აწუხებთ ალერგია.

 

იისფერი ქმნის მელანქოლიურ განწყობას, ხელს უწყობს მედიტაციას. დადგინდა, რომ ეს ფერი არამარტო დამამშვიდებელია, არამედ ხელს უწყობს დასვენებას. მაგრამ ნუ დაგავიწყდებათ, რომ დიდი რაოდენობით იისფერის გამოყენება სარისკოა, რადგან შესაძლოა იმოქმედოს დეპრესიულ განწყობაზე.

ყავისფერი გვხვდება ყველგან სადაც არის ხის ავეჯი. ხის ფერი ქმნის სითბოს, უსაფრთხოების და სიმშვიდის შეგრძნებას. თუმცა ძალიან ბევრი ყავისფერი აფერხებს შემოქმედებით და ინტელექტუალურ საქმიანობას. ასე რომ საუკეთესო გადაწყვეტილებაა თუ ხის ავეჯით შემოიფარგლებით.

თეთრი ფერი ქმნის სივრცის და სინათლის შეგრძნებას. თეთრი რეკომენდირებულია იმ ოთახისთვის, სადაც ცუდი ბუნებრივი განათებაა, ამის გარდა ის ქმნის სივრცის ილუზიას, თითქოს ოთახი მზის სხივებითაა გაჟღენთილი. ეს ფერი განკუთვნილია სააბაზანოსთვის. თეთრი ფერი ასევე იდეალურია მისაღები ოთახისთვის რადგან ქმნის საზეიმო და სუფთა  გარემოს.

 

წყარო: https://roomble.com/